Zain

Joan dira lagunak ere
geltoki izenak eztaltzen duen
erretiro hontatik

agortu dira megafonoaren mezuak
eskobek ez dute zer garbitu
euliek nor gogaitu

superfluoa
zerrendatzea geratzen zaigu
halabeharraren koordenadetan
eserlekua izendatu ziguten
erratuoi

egonarriz onartu euliak
onartu euria
onartu egia

nire ondoko
bankuan andra bat dago
bere soinekoaren tantoekin
izan, egon eta existitu aditzak behin eta berriz
behin eta berriz
behin eta berriz
jokatzen

Elkarrekin ikusi ditugu gaur ere
lainoa sartzen eta puntualitate zientifikoz
heltzen diren bidaiariak
jaisten
arima bihurtzeko lain hutsik
heltzen den trenetik

ezkerreko hanka lehen
burua ondoren

Liese