jueves, 16 de abril de 2009

Laztana kolpe gisa




Ez du berezko logikarik laztanak.
Ez du zuzenean ezer eraikitzen,
ezta konpontzen edo sendatzen ere.
Ez du berezko logikarik laztanak.
Ez du zuzenean ezer suntsitzen,
ezta matxuratzen edo gaixotzen ere.
Leundutako kolpea da laztana,
laztandua bakean ez uzteko erasoa.
Gerran sartzen du laztantzaileak laztandua.
Leundutako herra da maitasuna,
maitatua bakean ez uzteko erasoa.
Gerran sartzen du maitaleak maitea.
Leundutako zauria da bizitza,
jaiotakoa bakean ez uzteko erasoa.
Gerran sartzen du gurasoak haurra.


Juan Luis Zabala.



0 comentarios:

Publicar un comentario en la entrada